Dhurt Dhabe-wala
Kallu ne aaj acchi kamai ki, wo ek dhaba chalata hai jsime wo har tarah ki pakwaan deta tha chawal, daal, roti mausami sabji, matar paneer, malai kofta, shahi paneer, non-veg pasand karne walo ke liye chicken aur mutton ke bhi bhahut saare item available they uske dukaan pe.
 |
| Hanuman STUDIES |
Uske dhaabe me 7 aur kaam karte they jinhe wo rahne aur khane ke alawa 7,000 har mahina pagar bhi diya karta tha. Kallu ka ek roz ka grahak tha Rakesh, ek din Rakesh uske paas aake bola, "Kallu bhai main ek kirane ki dukaan wala hoon, agar aapke nazar me koi accha aadmi ho jo imaandaar bhi ho aur kaam ki jimmedaari acche se nibhata ho to use bataye". Kallu ne kahan, "abhi to nhi hai lekin koi milega to jarur batayega".
Kallu raat ko jab apna dhaba band ke ghar pahucha to apne grahak Rakesh ke baare me sochne laga ki agar wo kirane ki dukaan kholega to uska bhi bahut fayda ho jaya karega aur agar apna koi aadmi uske dukaan pe rahega to use rashan me bhi fayda mil jaya karega. Rakesh kallu ka daily ka grahak tha wo uske dhabe ke bagal ke ek office me kaam kiya karta tha 3 din baad jab wo kallu ke dhabe me aya to to kallu ne usse kaha ki usne ek aadmi se baat ki hai uska naam Raka hai use bhi kaam ki talaash hai, uske rasoiye ke gaon ka rahne wala hai. Rakesh ne haami bhar di ki use bula le, bas aadmi milte hi 3 din baad usne apni dukaan ki shuruat kar di.
Lag-bhag 6 mahine tak to sab thik chal rha tha Rakesh ko bhi apne dhande me barkat dikhne laga tha lekin ab Kallu ne apna dhurt dimaag lagana shuru kar diya usne apne aadmi se kaha ki ab se wo hamesha uske dhabe ke liye kuch na kuch samaan jaise masala, kabhi chawal, daal, ya kucb biscuit, ya kuch bhi khane ka samaan de diya karega bina paise ke. Pehle to Raka ne kuch dino tak to Kallu ko samaan de diya karta tha, lekin jab use hisab kitab karne me diqat aane lagi to usne bhi Kallu ko bina paise ke samaan dene se mana kar diya. Kallu Raka ke is baat se baukhla gya tha, usne usse kaha ki ek use acchi pagar walu naukri dilwai aur wo usse hi aisi baatein kar raha hai. Kallu is baat se baukhala kar use kuch gundo se pitwane ka plan banane laga.
Kuch din baad jab Raka ne subah-subah dukaan kholi tabhi wahan 6 log aa kar uske saath maar-pit karne lage aur jaate unhone dukaan ko bhi bahut nuksaan pahuchaya aur bahut sara samaan aur paise wahan se chori kar ke le gaye. Raka bahut buri tarah jakhmi ho gaya tha, uske aas paas ke dukaan walo ne Rakesh tak ye baat pahuchai aur Raka ko hospital me admit karwa diya. Rakesh khabar sunte hi sabse pehle Raka se milne pahucha jahan uski stithi dekh kar wo bahut chintit ho gya, usse milne ke baad wo apne dukaan pe ja kar nuksaan ka jayza liya, use aaj accha khasa nuksaan ho gya tha. Uske baad wo Kallu ke dhabe pe gaya aur wo Kallu ko lekar police-station gya un gundo ke khilaf complain karne ke liye. Kallu ke hosh ude hue they police-station me. Police chhan-bin karne ke liye Raka se bhi milne gayi jahan usne saari baat bata di. Police ne aas paas ke ilake me lage hue CCTV camera ki help lene lagi lekin wo gunde police ke haatho se shayad bahut door chale gaye they. Kuch dino baad Raka bhi hospital se chhut ke ghar aa gya aur Rakesh ne dukaan pehle se jyada badhiya banwa diya tha wo bhi CCTV camera ke saath.
Ek din Raka aur Rakesh dono Kallu ke dhabe me gaye khana ke liye, khana kha kar jab wo dukaan se nikal rahe they to kuch log dhabe me jaa rahe they, Raka wahan kuch der ruk kar unhe dekhne laga aur unme ek ko pehchaan liya ki ye un gundo me shaamil tha jo us din dukaan me aye they. Wo log Kallu se bahut acchi tarah se mil rahe they jaise ki kallu ki unse jaan-pehchaan bahut pehle se hi ho. Ye soch kar ki uski pitai aur dukaan me chori me Kallu ka haath bhi ho sakta hai, usne Rakesh ko ye baat batai tab Rakesh ne chupke se apne mobile phone ke camera se unki photo le li aur wo police ke paas pahuch gaye. Police ne fir se chhan-bin ki aur is baar gundo ko aur un gundo ko bhejne wale yaani Kallu ko bhi pakad liya. Rakesh, Raka aur Kallu ke dhabe wale bhi ye nhi soch sakte they Kallu aisa insaan hoga.
Moral of the story:
Bure kaam ka bura hi natija hota hai.
Warning:
Bewarw of cyber fraudulent.
0 Comments