Aam ka bagicha

 Aam ka bagicha

Ramvilas ghar se nikla apne bagiche ki or aur wahan apne aam ke lage hue pedo par uski ugti hui manjar dekhi, kya manjar they uski ped pe, use dekh kar Ramvilas bahut khush hua. Is varsh aam bahut acche honge usne apne mann me socha aur ye bhi socha ki un aamo ko bech ke wo acchi kamai bhi kar lega.

Hanuman STUDIES

Kuch mahino baad uske bagiche me lage ped pe fal ugne lage aur un phalo ko dekh kar Ramvilas ki khushi ka thikana nhi tha. Ek din wo apne bagiche me aya aur apne falo ko todne laga usne jab acche khaase fal tod liye to ghar ja kar usne khana khaya aur fir shaam ko unhe bechne wo bajaar chala gya. Bajaar me sab apni apni dukaane laga rahe they, Ramvilas ko dukaan lagaane ka koi jhanjhat nhi tha wo apni theli lekar chal raha tha karib 2 ghante me hi usne apne saare aamo ko bech diya aur fir wo ghar ki or laut pada. Raaste me usne apne baccho ke liye kuch mithaiya li aur apni biwi ke liye ek nayi saari. Ghar pahuchte hi baccho ne use gher liya ki pitaji kya laaye, Ramvilas ne unhe unka mithai diya aur fir apni biwi ko uksa tohfa diya. Sab khush they, sabhi ne fir raat ka bhojan kiya aur sone chale gaye. Aise hi raat ko bhi wo kabhi kabhi bahar nikalkar apne bagiche ko dekhne nikal jaya karta tha kyunki kabhi kabhi log raat me bagiche me ghus kar falo ko tod le jaate they.

Agle din fir Ramvilas apne bagiche ki or gya, fal tode aur shaam hote hi bajaar ki or chal diya unhe bechne. Is tarike se is falo ke mausam me use bahut acchi khasi kamai hui. Ek kisan ke liye uski faslo se jyada kimti koi chiz nahi hoti. Ramvilas ke liye uske fasal uske ped me lage aam ke pedo pe uge fal they, jinhe wo apni jaan se bhi jyada pyar karta tha. Mausam gujar jaane ke baad Ramvilas shahar ki or chal diya kaam karne jisse wo khaali nhi baitha rahe. Shahar se aane ke baad wo fir apne baago ki rakhwali me lag gaya. Lekin is saal us ke pedo pe us taraf ke manjar nahi lage they jaise har saal laga karte they, use nirasha to hui lekin fir bhi wo nirash nhi hua kyunki aisi prakritik ghanto se kabhi kabhi nuksaan bhi jhelna padta hai, wo ek bahut hi saiyam wala vyaikti tha. Usne agle din krishi samadhan kendra me ja kar iske baare me bataya, jahan waha ke vishesagyo ne use upay bataya, un upayo ko apnate hi uske ped ke manjar fir se pehli ki tarah hi acche se ho gaye.

Aur jab pedo pe fal uge to wo unko dekh ke bahut khush hua kyunki jin pedo pe is baar manjar bhi acche se nahi uge they unme bhi itne acche fal ug rahe they. Ramvilas is baar apni falo ko bech ke baccho ke padhai ke liye paisa jama kar diye. 

Moral of the story:

Sahi jankaari ki madad se kharab fasalo ko bhi bachaya ja sakta hai.

Warning:

All stories are fictious and beware of cyber-fraudulent.