Madan or Sarla
Na jaane kyun aaj Madan bahut khush dikh rha tha, gaon walo ne usse poocha to usne unhe bataya ki aaj wo court marriage kar ke apne ghar me lakshmi lane wala hai, ye sun kar gaon walo ne use badhai di. Madan ek ausat sa dikhne wala vyakti tha, apne mobile banane wali dukaan se wo accha khasa bhi kama leta tha. Uske mata pita ko gujre arsa beet gya, Madan ke bade bhai ki shadi 5 saal pehle hi ho gayi thi aur uski ek behan bhi thi jiski shaadi uske mata pita me jeete ji kar di thi bas bacha tha to Madan aur wo bhi aaj shadi karne ja raha tha. Gaon wale uske is nirnay se khush they kyunki bas wahi rah gya tha uske parivar me jiski shaadi nhi hui thi. Madan bhi naha dho kar, naye kapde pahan kar, scent laga kar, apne baal jhaad kar chal diya apni dulhaniya se milne.
 |
| Hanuman STUDIES |
Jab wo nikla to lag-bhag 9 baj chuke they bas use court pahuchna tha, saath hi wo apne 2 rishtedaro ko le kar gya tha. Wo samay pe court pahuch gya tha bas aur kuch der baad hi uski dulhan bhi wahan gayi thi, wo apne do rishtedaro ke saath ayi thi, ladki ka naam Sarla, uske bhi mata par ita nhi the is duniya me. Karib 2 ghante saare kaam ke baad un dono ne ek doosre ko megistrate ke saamne mala pehnaya aur jeevan bhar ke liye shadi ke bandhan me bandh gaye. Ab Madan aur Sarla dono ek doosre ke ho gaye they. Shadi ke baad dono apne apne rishtedaro ke saath ek hotel me gaye jahan unhone khana khaya aur fir ghar ki or laut gaye. Madan apni biwi ke saath ghar tak pahuch pata usse pehle hi uske gaon wale uske ghar ke bahar pahuch gaye nayi dulhan ka swagat karne ke liye. Unhone Madan aur uski biwi Sarla ka acche se swagat kiya. Ek accha parivar aur sukhi parivar basne ki shubh-kamnaye di.
Ab unki shadi ko lag-bhag 6 mahine beet gaye they. Madan roz apne dukaan pe jata, uski biwi uske liye khana lunch box me de diya karti thi aur shaam ko Madan 6-7 bje tak wapas ghar aa jaya karta. Aaj jab Madan dukan se aya to usne apni biwi se shahar ghumne chalne ke liye kaha, pehle to uski biwi ne mana kiya par baar-baar manane ke baad wo taiyar ho gayi. Dono bahut dino baad kahin door ghumne ke liye ja rhe they aur unhone 4 din tak ghumne ka plan banaya. Fir kya Madan aur Sarla nikal pade sair karne sahar ki or wahan ke rishtedar rahte they isliye thaharne ka koi diqat nhi hua. Wo apne saath apne rishtedaro ke baccho ko bhi le jate they. Ek din jab wo ghum rahe they unki nazar ek bacche pe gayi jo chaurahe pe bheekh maang raha tha. Sarla ko uspe daya aa gayi, usne use kuch rupaye diye aur aur kuch khane ko de diya. Madan aur Sarla apne 4 din ke chhuti me alag alag jagah gaye jinki unhone tasveere bhi khichi. Ek raat jab sab koi so rahe they to Madan ki neend achanak se khul gayi use abhas hua ki ghar me koi ghusa hua hai, aur shaq sahi nikla ghar me chor ghusa hua tha, Madan ne Sarla se kaha ki ghar me chor ghusa hua hai tab unhone samajhdari se kaam lete hue us chor ko pakad liya, aur chor aya-chor aya shlr machane lage. Miya biwi ki awaz sun ke unke rishtedar bhi jag gaye aur sab ne milkar chor ki jam kar dhunai ki fir police ko bula kar use police ke hawale kar diye. Agle din Madan aur Sarla ki 4 din ki chhutti ka program samapt ho gya tha. Tab unhone apne rishtedaro se vida liya aur unhe apne gaon aane ka nimantran bhi diya. Iske baad dono apne gaon laut aye.
Madan aur Sarla ko dekh kar gaon wale aur ados pados wale khush hue. Unhone kahan kahan ghuma kya kya kiya aur kaise ek chor ko pakda ye saari baatein batayi. Gaon walo ko unki is bahaduri le garv hua.
0 Comments