Society me bhoot ka darr
Shaharo me kisne socha tha ki kabhi bhut pret ke baare me log baatein karenge lekin aaj ki aisa saari society ke log jab apne-apne neend me busy they to acchanak ek chhikh ne sabki neend khol di. Abhi raat ke lag-bhag 12 hi baj rhe they. Sabne socha kahin koi bhoot to nhi na aa gya society me.
 |
| Hanuman STUDIES |
Srivastavji ne apni balcony se jhakte hue sabse pehle poocha ki kaun hai hai, uske baad Vermaji ki awaz ayi ki chhikh ki awaz kahan se ayi aur ek ek kar ke sab - Tripathiji, Paswanji, Chaurasiyaji aur aise phir ek-ek karke baaki ke log apni apni balcony pe aa gaye. Lekin kisi ne bhi society ke us hisse me pahuchne ki himmat nhi dikhai jahan se awaz ayi thi. Lekin jab kuch der tak koi awaz nhi ayi to sab apne apne ghar me wapas chale gaye. Aur sab wapas gahri neend me so gaye, lekin abhi shayad hi koi gahri neend me soya hoga ki acchanak fir se chhihk hui jiski awaz sun kar is baar sab log sidhe society ke campus me aa gaye kyunki ye 1 ghante ke andar hi doosri baar aisi chhikh ki awaz ayi aur wo bhi society me pehli baar. Sab ye to samajh gaye gaye ki awaz society ke bagiche se aa rahi hai lekin koi wahan jaane ki himmat nhi juta pa rha tha. Jaise taise Chaurasiyaji ne sab se kaha ki sab ek saath chalte hai, sabki biwiya apni apni balcony se ye sab dekh rahi thi. Chaurasiyaji ki biwi ne unse kaha ki neta to ban rahe hai sambhal ke jaiyega.
Ab sab ne society ka gate khola aur bagiche ki or chal diye, sab ke hosh ude hue they ki sach me koi bhoot nikal gya, aur wo unka game baja gaya to. Sab ne pehle socha ki alag alag ho kar bagiche me dekha jaye ki awaz kahan se ayi hai, lekin society me ye pehli baar is tarah ki ghatna thi wo bhi ek hi raat me 2 baar itni darawani chhikh isliye sab ne apna decision change kar ke ek saath hi sab jagah dhundhne ka faisla kiya. Fir sabne ek ek kona chhan marna shuru kar diya, shuru kiya unhone gate ke paas lage bench se aur aise hi saaro bench aur ped aur jhoolo ke aas paas sabne talaash kiya lekin koi nhi mila bas ek jagah bacch gayi thi aur wo thi mandir.
Ab sab milkar mandir ki or gaye aur wahan unhe khidki ke piche se ek parchhai dikhai di, parchhai dikhte hi sabne aapas me kana phusi ki andar koi hai jise ab tak sab koi bhoot ya chudail samajh rahe they. Is baar sabne himmat juta ke ek saath mandir ke andar ghus gaye. Jaise hi wo andar ghuse wahi chhikh unhe fir se sunai diya lekin bahut najdik se wo awaz sunne ki wajah se sabne apne-apne kaan band kar liye aur dekha ki ye to ek lg-bhag 12 saal ka baccha hai. Sabne use chup karaya aur use shaant karate hue society ke campus me le aye, wahan unhone use sabse pehle paani pilaya, aur kuch khaane ko diya aur fir poocha uska naam poocha aur poocha ki wo yahan kaise aya. Ab lag-bhag raat ke 2:30 baj rahe they.
Usne apna naam Santosh bataya fir ye bataya ki use kuch log uske gaon se mummy papa se ye kah kar laye they ki wo log uska padhai likhai karwaenge aur bada hone ke baad jab use acchi naukri lag jayegi tab use wapas gaon bhej denge. Lekin wo log shaitan nikle aur usse shahar me kaam karane ke lage, lekin wo unke kabje se nikal kar bhaag nikla aur yahan deewar ko fudak kar pehredar se chhupate hue yahan bagiche me aa gya. Lekin jab wo ek ped ke niche chhup kar baitha tha to ek saanp aa gya jiski wajah se wo darr kar chhila diya, fir kuch der baad usne aap logo ki awaz suni to wo doosre ped ke niche ja kar chup gya lekin kuch der baad wo saanp wahan fir se aa gya, isloye wo fir se chhikh diya. Lekin is baar sab awaz ka picha karte hue bagiche tak aa gaye isliye wo mandir me ja kar chhup gya tha. Aur ab wo un logo ke saamne tha, sabne uski baatein badi dhayan se suni aur fir use society ke manoranjan wale kamre me sone ke liye bhej diya. Aur sab sone chale gaye.
Agli subah sabne sabse pehle Santosh ko ek police station le gaye jahan unhone usse acchi tarah se pooch-taach kar ke 2 din ke andar hi use uske ghar tak pahucha diya. Society walo ne rahat ki saans li bacche ki jaan bacch gayi. Aur society wale bhi ye samajh gaye ki jaroori nhi har chhilane wali awaz bhoot ho.
Moral of the story:
Sannate me nikli har chhikh jaroori nhi bhoot ho.
0 Comments