Mehnat ka fal
Baat hai us gaon ki jiska naam hai Gokula yahan ek kisan tha Dileep jo apni chhoti si jamin pe kheti baari kar ke apne biwi baccho ka palan poshan karta tha. Ek saal fasal kharab ho gya to uski biwi ne salah diya ki kyun na wo pardes chala jaye paisa kamane. Paas ke hi sahar Rupaspur me uske kuch dost pehle se hi majdoori kar ke paisa kamate they to usne socha kyun na unhi ke paas chala jaye. Agle subah wo taiyar ho gya, uski biwi ne raaste me khane ke liye roti aur sabzi bandh di. Jaate jaate usne apni biwi se kaha, "Main ab paisa kama ke hi aunga tab tak wo apna aur baccho ka khayal rakhe. Maine sandook me kuch paise rakh diye hai jab bhi jarurat lage istemal kar le." Uski biwi ne kaha, "Wo bhi apna khayal rakhe aur fir usne aur baccho ne Dileep ko vida kiya."
 |
| Hanuman STUDIES |
Din ke karib 7 baj rhe honge jab Dileep ghar se nikal pada Rupaspur ki or is umeed se ki wo sahar me ja kar accha khasa paisa kamayega. Raste me use kuch door tak jaane ke loye ek bailgaadi mil gayi jisse wo kuch door tak gya fir bailgadi wale ne usse kaha, "bhaiya ab mujhe doosre raste jana hai yahan se ab yahan se use paidal hi jana padega." Dileep fir nikal pada apne safar par. Kadake ki thandh pad rahi thi ek jagah usne sakhuanka ke ped ke paas kuch sukhe hue patte dekhe usne socha kyun na yaha ruk kar kuch der haath paaon sek le fir aage badhe. Wahan usne jeb machhis nikali aur alav jala liya aur apni doosri jeb se bidi nikala aur apni garmi door ki. Ab usne kuch nhi dekha aur chal pada apne safar pe.
Ab dopahar ke karib 1 baj rahe honge jab wo raaste me padne wale jungle ke paas pahucha, jo bhi tha jaisa bhi tha, tha to wo jungle hi darr to tha hi ki kahin kisi prakar ki anhoni na ho jaye, usne apne mann me hi socha, "Is ghane jungle me kahin koi jungli jaanwar na mil jaye ya fir saapn ya fir koi chor lutere." Use bas apni manjil dikh rahi thi wo ab apni dhun me jungle me ghusa aur nidarta ke saath ghus gya ki jo hoga dekha jayega. Ek 3 ghante safar karne ke baad usne us jungle ko paar kiya. Ab bas kuch hi chhan ka safar bacha tha ki wo sahar pahuch jata. Aur uska nasib accha tha ki jab wo mukhya sadak pe pahucha to use ek aadmi mila jo apni gaadi se sahar ki or hi jaa raha tha aur uska wo 3 ghanta ka safar bas 1 ghante me hi poora ho gya. Wo kuch saal pehle apne dosto ke paas ruka tha isliye use kahan jana hai pata tha aur kuch der baad wo unke ghar paas pahuch gya lekin sab abhi pe gaye hue they isliye udhar tala latka mila, wo wahi baith ke unka intezar karne laga, use pata tha ki unke dost 8 bje se pehle nhi ayenge isliye wo wahi baith ke unka intezaar karne laga.
8 bajne hi wale they ki Dileep ke dost aa gaye, unhone use dekh ke uska swagat kiya aur use dilasa dilaya ki kuch dino me use bhi apne saath kaam.pe le chalenge. Lekin 1 - 1 din uske liye pahad jaisa beet rha tha kamre me baithe baithe. Aur thik 3 din baad wo khushi ka pal aa hi gaya jab use kaam karne ka mauka mil gya. Aa shukravar ka din tha jo uske liye bahut hi accha sabit hua use kaam karne ko mil gya aur 1 din ke use 250 rupaye milte, uski khushi ka thikana nahi tha. Uske dost building banne wali jagah pe labour ka kaam karte they, kamre ka bhaada aur roz ke khane ka paisa uska seth de deta tha isliye unhe paisa bachane ke liye bahut mauka mil jata tha. Dileep roz time pe taiyar ho kar apne dosto ke saath kaam pe nikal jata tha wo poori mehnat se kaam karta tha. Uske seth ne apne saare majdooro ka bank me khaata khulwa rakha tha, ek mahine baad jab Dileep ne bhi acche khase paise bacha liye to seth ne uska bhi bank me khaata khulwa diya aur ab Dileep apni jama punji apne khaate me jama karne laga.
Lagbhag 6 mahine kaam karne ke baad usne seth se chhuti maangi taki wo apne gaon ja kar apni biwi baccho se mil sake. Isse pehle uske dost gaon jaya karte they jinke haatho wo aone pariwar ke liye paisa bhejwa diya karta tha. Uske seth ne use 6 din chhuti de di, Dileep khushi-khushi apne ghar pahuch aur 6 mahine baad apni biwi baccho ko dekh ke uski khushi ka thikana nhi rha tha. Is 6 dino me usne apni parivar ke saath bazaar ja kar acchi khasi kharidari ki. Aur akhirkar 6 din beet gaye aur wo gahdi aa gayi jab use wapas sahar jana tha. Uske pariwalo ne use vida lekin jaate jaate usne apni biwi ko dilasa dilaya ki wo kaam bahut acche se sikh rha bai aur ab wo apne seth se apni tankhwa badhane ke kahega aur apne baccho se usne kaha ki wo pane padahi me mann aur dhyan laga kar acche se padhai kare. Is baar jab wo gaon aya tha to isne apni biwi ka bhi bank me khaata khula diya jisse wo sahar se hi paisa bhej sake aur unhe mil jaya kare. Dileep jaate jaate ye kah ke gya ki ab wo 3 saal baad ayega jisse wo acchae khaase paisa jama kar sake aur apne parivar ke bhavishya sudhar sake. Is tarah mehnat ke bal pe Dileep ne apna aur apne parivar ka bhavishya sawar liya.
0 Comments