Shikari raja ki seekh

 Shikari raja ki seekh

Hanuman STUDIES

Ek samay ki hai jab Pratapgarh ke raja Bhansingh ek raat shikar karne ke liye jungle me nikle, unke mantrigan bhi they, 20 sainik aur 10 kotwal bhi they. Raat bhi aisi thi ki ek taara tak aasmaan me nhi chamak raha tha aur chharo or andhera tha, wo to ganimat thi ki unke paas roshani ki poori vyavasta tha. Ghumte ghumte unhe bahut samay beet gya lekin ek khargosh tak unhe nhi mila shikar ke liye tab ek mantri ne raja se kaha ki huzoor wapas chala jaye nhi to bahut raat ho jayegi lekin raja ne uski nhi suni apne mantriyo se kaha ki use bhookh lagi hai ab sab thodi der ruk kar bhojan kar le aur sab ne mil kar thode hi der me ek chhota sa shamiyana banaya jisme raja rula tha aur bhojan prarambh kar diya. Raja ke bhojan karne ke baad sabne bhojan grahan kiya aur sab jaldi se lag gaye fir se shikar ki taiyari me lag gaye. Jab sab taiyar ho gaye tab raja ko bataya gya ki sab taiyar hai shikar ke liye tab raja bhi shamiyana se nikla aur chal diya shikar ki talaash me, kuch log ruk gaye shaamiyana sametne ke liye lekin fir wo thodi der baad raja ke saath jud gaye.

Ab raja ke sabar ka baandh tut raha tha usne gusse me aa kar nagada bajwa diya jisse jungle ki khamoshi tut gayi aur kuch siyar hoonkar bharne lage door me. Raja ke aisa karne ka maksad tha ki jungle ka sabse bada sher aa gya hai. Lekin jo jaanwar din me bhi smabhal kar chalte hai wo raat me kya karte, sab apne- apne ghar me simte pade they. Tabhi ek jagah roshani padi aur raja ko door me kisi jaanwar ki aankhein chamak gayi wo chamak ek ped se aa rahi thi jo ki ek bhalu lag rha tha jo ped pe aaraam farma rha tha. Ab sab khamoshi se us ped ki taraf badhe tab raja ne jor se nagada bajwa diya, shor sunkar us jaanwar ki neend khul gayi jo ek bhalu hi tha. Ab raja me chain ki saans li ki chalo der aye lekin durust aye ek bada jaanwar mila use raja khud apne teer se maarna chhahta tha. Lekin bhalu aisa jaanwar hai jo jab tak sust hai tab tak sust hai harkat me aane ke baad wo kisi ko nhi chhodta.

Bhalu bhi turant us ped se doosri ped pe chalang maar kar bhag nikla lekin lag bhag 50 logo ki nazro se kaise bach skta wo. Kuch der baad wo fir logo ki nazar me aa gya, is baar wo bhaga nhi usne raat ke andhere me ek jor daar dahaad lagai ki sab ka seena ek baar ko sikud gya lekin raja ne himmat baand kar ek teer chalaya jo bhalu ko andhere me lagte-lagte bacch gayi, raat ke sannate me ab bhalu samajh kiya ki agar wo shor karega to sabko pata chal jayega ki wo kahan hai. Ab bhalu bhi shaant ho gaya aur shaanti se apni jaan bachane ke liye dabe paw bhaagne laga. Ab bhalu ek aise gufa ke paas pahucha jahan tak kou janwar hi pahuch sakta tha, wahan pehle se hi kuch bhediye ki bacche apni maa ke saath they, bhalu ko dekh ke wo sab aur darr gaye, usse pehle wo nagade ki awaz aur bhalu ki dahaad se darr ke maare ek doosre se chipak ke baithe hue they. Lekin bhediyo ki maa ye samajh gayi ki bahlu bhi un nagada bajane walo se apni jaan bacha kar bhaag raha hai. Isliye usne bina kuch kahe use gufa me aane diya is shart pe ki shikariyo ke jaane ke baad, ya subah hone ke baad wo bhi wahan se chaala jayega.

Ab raat beet chuki thi, raja ko ek bhalu dikha tha shikar ke liye wo bhi uske haath se nikal chuka tha, aur bhalu ki bhi jaan bacch gayi thi us bhediyo ki maa ki wajah se jo use us gofa me rahne di thi nhi to wo bhi nipat gya hota shikariyo ke haatho. Raja wapas laute samay raat ki baato pe chintan karne laga ki use bhookh lagi to khana uske paas tha khane, shikar kar ke un jaanwaro ke sharir me bhuusa bhar ke unse bas apns diwaro pe latkata, aur ye bhi samjha ki jab bhalu jaisa jaanwar itne logo ko dekh ke bhaga, lekin ek akela shikari hota to bhalu use kab ka maut ki neend sula diya hota. Lekin bhalu kahan gya ye usne pata karwane ka bhi prayas nhi kiya. Ab se usne khud bhi shikar nhi karne ka pran liya aur janta me bhi ye khabar faila diya ki koi bhi agar bejubaan jaanwaro ka shikar karega to wo dand ka adhikari banega, wo samajh gya ki jaan hai to jahaan hai.

Moral of the story:

Bejubaan jaanwaro ki bhi jaan kimti hoti hai.

Previous

Next